آج - 17؍فروری 2009
ادیب، افسانہ نگار اور ممتاز شاعر ”#شبنمؔ_رومانی صاحب“ کا یومِ وفات...
نام #مرزا_عظیم_احمد_بیگ_چغتائی اور تخلص #شبنمؔ ہے۔
30؍دسمبر 1928ء کو شاہ جہاں پور، اترپردیش (بھارت) میں پیدا ہوئے۔ 1948ء میں بریلی کالج سے بی کام کا امتحان پاس کیا۔ 1949ء کوآپریٹوز کے اکاؤنٹنٹ اور پھر اسسٹنٹ سکریٹری رہے۔ اسی سال ہجرت کرکے پاکستان چلے گئے۔ انھوں نے غزل کے علاوہ نظمیں، افسانے، انشائیے سبھی کچھ لکھا ہے۔ 1973ء سے روزنامہ ’’مشرق‘‘ میں پابندی سے ادبی کالم لکھتے رہے۔ سہ ماہی مجلہ ’’اقدار‘‘ خوبصورت اور خوب سیرت انداز میں جاری رکھے ہوئے تھے۔
ان کی تصانیف کے نام یہ ہیں:👇
’مثنوی سیر کراچی‘،’جزیرہ‘ (شعری مجموعہ) ، ’حرفِ نسبت‘ (نعت)، ’تہمت (غزلیں)‘، ’دوسرا ہمالہ‘ (شعری مجموعہ)، موزے چلغوزے (بچّوں کی نظمیں)، ہائڈ پارک (کالموں کا مجموعہ)، عطرِ خیال (تقدیسی شاعری)۔ تالیفات میں ’ارمغانِ مجنوں‘ (جلد اول و دوم)، غالب شخص اور شاعر (مجنوں گورکھپوری کے لیکچرز)
شبنمؔ رومانی، 17؍فروری 2009ء کو کراچی، پاکستان میں انتقال کر گئے۔
👈 بحوالۂ:پیمانۂ غزل(جلد دوم)،محمد شمس الحق،صفحہ:233
#نوٹ 👈 اس کتاب (پیمانۂ غزل) میں شبنمؔ رومانی صاحب کا یومِ ولادت 30؍دسمبر کے بجائے 20؍دسمبر درج ہوگیا ہے۔
🌹✨ پیشکش : اعجاز زیڈ ایچ
*፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤፤*
🌹 ممتاز شاعر شبنمؔ رومانی کے یوم وفات پر منتخب اشعار بطور خراجِ عقیدت... 🌹
تمام عمر کی آوارگی پہ بھاری ہے
وہ ایک شب جو تری یاد میں گزاری ہے
---
شبِ چراغ کر مجھ کو اے خدا اندھیرے میں
سانپ بن کے ڈستا ہے راستہ اندھیرے میں
---
اہلِ نظر ہنس ہنس کر تجھ کو ماہِ کامل کہتے ہیں!
تیرے دل کا داغ تجھی پر طنز ہے اور بھرپور ہے چاند
---
اب انہیں مجھ سے کچھ حجاب نہیں
اب ان آنکھوں میں کوئی خواب نہیں
---
ڈھلتا سورج آنکھ کا ریزہ ہو جاتا ہے
جھوٹے خوابوں کا آمیزہ ہو جاتا ہے
---
اپنے علم پر شبنمؔ ناز کیا کرے کوئی
اک قدم اجالے میں دوسرا اندھیرے میں
---
کیجیے اور سوالات نہ ذاتی مجھ سے
اتنی شہرت بھی سنبھالی نہیں جاتی مجھ سے
---
نگاہِ شوق نے مجھ کو یہ راز سمجھایا
حیا بھی دل کی نزاکت پہ ضرب کاری ہے
---
ﮐﻮﻥ ﻣﺠﮭﮯ ﯾﺎ ﻣﯿﺮﮮ ﻓﻦ ﮐﻮ ﺳﻤﺠﮭﮯ ﺍﮮ شبنمؔ
ﻣﯿﮟ ﺍﮎ ﺍﻧﺪﮬﯽ ﮔﻮﻧﮕﯽ ﺑﮩﺮﯼ ﻗﻮﻡ ﮐﺎ ﮨﻮﮞ ﻓﻨﮑﺎﺭ
---
کس کی روح تعاقب میں ہے سائے کے مانند
آتی ہے نزدیک سے اکثر خوشبو کی جھنکار
---
میں نے کس شوق سے اک عمر غزل خوانی کی
کتنی گہری ہیں لکیریں میری پیشانی کی
---
سنگ چہرہ نما تو میں بھی ہوں
دیکھیے آئنہ تو میں بھی ہوں
---
ہر آن ایک نیا امتحان سر پر ہے
زمین زیر قدم آسمان سر پر ہے
---
یہ معرفتِ غزل تو دیکھو
انجان کو جان لکھ رہا ہوں
---
میں نے دیکھا ھے بہت غور سے اس دنیا کو !
اِک دلِ آزار مسیحا کے سوا کچھ بھی نہیں
---
وہ دور افق میں اڑانیں ہیں کچھ پرندوں کی
اتر رہے ہیں نئے لفظ آسمانوں سے
---
لمحوں کا پتھراؤ ہے مجھ پر صدیوں کی یلغار
میں گھر جلتا چھوڑ آیا ہوں دریا کے اس پار
---
اپنی مجبوری کو ہم دیوار و در کہنے لگے
قید کا ساماں کیا اور اس کو گھر کہنے لگے
---
ہر سنگِ میل پر یہی گزُرا مجھے قیاس
زندہ گڑا ہُوا کوئی جیسے زمیں میں تھا
---
میں جہاں گردشِ حالات سے تھا گرمِ جہاد
رقص کرتے ہوئے کچھ لوگ اُدھر سے گزرے
---
سنتے ہیں لہجوں کی رقابت، دیکھتے ہیں رنگوں کا نفاق
محفلِ خوباں میں اے شبنمؔ ، ایک شگوفہ چھوڑ کے ہم
●•●┄─┅━━━★✰★━━━┅─●•●
🍁 شبنمؔ رومانی 🍁
✍️ انتخاب : اعجاز زیڈ ایچ