طاہرہ واسطی (اردو: طاہرہ واسطی) (ولادت: 1944ء – وفات: 11 مارچ 2012ء) ایک مشہور پاکستانی مصنف اور ٹیلی ویژن اداکارہ تھی۔ طاہرہ ٹی وی ڈراما شاہین میں ازابیلا کے کردار کے لئے زیادہ مشہور ہیں۔
طاہرہ واسطی نے 1968ء میں سعادت حسن منٹو کے ایک ناول پر مبنی ایک ٹی وی ڈراما جیب کترا میں اداکاری کرکے پاکستان ٹیلی ویژن نیٹ ورک میں کام کرنا شروع کیا۔ طاہرہ 1968ء سے لے کر 1990ء کی دہائی تک متعدد ٹی وی ڈراموں میں نظر آئیں، ان میں سے بیشتر پی ٹی وی کے کلاسیکی جیسے کشکول، جنگلوس اور دلدل شامل ہیں۔
طاہرہ واسطی ٹیلی ویژن کے لئے ڈرامے بھی لکھتی تھیں اور سائنس فکشن میں ان کی خصوصی دلچسپی تھی۔
طاہرہ واسطی 1944ء کو برطانوی ہند کے سرگودھا، خوشاب میں پیدا ہوئی تھیں۔
طاہرہ واسطی ٹی وی اداکار اور انگریزی زبان کے نیوز کاسٹر رضوان واسطی کی اہلیہ اور ٹی وی اداکارہ لیلی واسطی کی والدہ تھیں۔ مشہور ٹی وی اداکارہ ماریہ واسطی طاہرہ واسطی کی بھانجی ہیں۔
وفات
طاہرہ واسطی 11 مارچ 2012ء کو 68 سال کی عمر میں کراچی میں وفات پا گئیں۔
