*پنجابی اور اردو زبان کے معروف شاعر” احمد ظفرؔ صاحب “ کا یومِ وفات…*
نام *ظفر علی احمد*، قلمی نام *احمد ظفرؔ* اور *ظفرؔ* تخلص تھا۔ *۱۳؍نومبر۱۹۲۶ء* کو *راول پنڈی* میں پیدا ہوئے۔ملازمت کے سلسلے میں راول پنڈی میں مقیم تھے۔ *۱۶؍اگست ۲۰۰۱ء* کو *گوجرانوالہ* میں انتقال کرگئے۔ یہ پنجابی میں بھی شاعری کرتے تھے۔ ا نکی تصانیف کے نام یہ ہیں:
*حسنِ خزاں، دلِ دو نیم* (شعری مجموعے)، *وابستہ، لامحدود، صفات* (حمدونعت)۔
*بحوالۂ:پیمانۂ غزل(جلد دوم)،محمد شمس الحق،صفحہ:194*
🌹✨ *پیشکش : اعجاز زیڈ ایچ*
💐 *معروف شاعر احمد ظفرؔ کے یومِ وفات پر منتخب اشعار بطورِ خراجِ عقیدت…* 💐
یوں زمانے میں مرا جسم بکھر جائے گا
مرے انجام سے ہر پھول نکھر جائے گا
—
زندگی کیا ہے کئی بار یہ سوچا میں نے
خواب سے پہلے کسی خواب کا منظر ہوگا
—
شعر کہنے کا سلیقہ ہے یہی احمد ظفرؔ
شاعروں نے بات سمجھی بھی ہے سمجھائی بھی ہے
—
اسباب تو پیدا بھی ہوئے تھے مگر اب کے
اس شوخ سے ملنا مری قسمت میں نہیں تھا
—
زہر کو مے نہ کہوں مے کو گوارا نہ کہوں
روشنی مانگ کے میں خود کو ستارہ نہ کہوں
—
ترس رہا ہوں قرار دل و نظر کے لئے
سکوتِ شب میں دعا جس طرح سحر کے لئے
—
اک تصور تو ہے تصویر نہیں
خواب ہے خواب کی تعبیر نہیں
—
دیرینہ خواہشوں سے سجایا گیا مجھے
مقتل میں کس فریب سے لایا گیا مجھے
—
میں خاک راہِ گزر ہوں کہ مسندِ گل ہوں
اک اضطرابِ مسلسل ہے عمر بھر کے لئے
—
جب تک جنوں جنوں ہے غم آگہی بھی ہے
یعنی اسیرِ نغمہ مری بے خودی بھی ہے
—
تقدیر میں شب لکھی گئی تھی
کہنے کو یہ زلف مشکبو ہے
—
دن ہوا کٹ کر گرا میں روشنی کی دھار سے
خلق نے دیکھے لہو میں رات کے انوار سے
—
اور کیا میرے لیے عرصۂ محشر ہوگا
میں شجر ہوں گا ترے ہاتھ میں پتھر ہوگا
—
میں مکیں ہوں نہ مکاں شہر محبت کا ظفرؔ
دل مسافر نہ کسی غیر کے گھر جائے گا
—
کیا پتا کس جرم کی کس کو سزا دیتا ہوں میں
رنگ سا اک باندھتا ہوں پھر بھلا دیتا ہوں میں
—
لغزش ہوئی کچھ مجھ سے بھی طغیانِ طلب میں
کچھ وہ بھی ظفرؔ اپنی طبیعت میں نہیں تھا
●•●┄─┅━━━★✰★━━━┅─●•●
🔳 *احمد ظفرؔ*🔳
*انتخاب : اعجاز زیڈ ایچ*
